Pangarap Ko

Verse 1 

Isang dekada na ang lumipas 

Mula ng ako ay makaalpas 

Sa bansa kong mahal na Pilipinas 

Nangibang bayan para makaiwas 

Ayokong basta na lang dito maagnas 

Maganda buhay sa pamilya nais kong iparanas

Verse 2 

Tiniis ko ang lungkot 

Halos katawan ay mabaluktot 

Sa trabaho 'di matapos-tapos 

'Di man lang makaungos-ungos 

Pati sahod ko lagi na lang kapos 

Pakiramdam ko lagi akong nakagapos 

Chorus: 

Hindi sa ako ay nagrereklamo 

Pero ngayon ako naman ang amo 

Gusto ko lang magsumamo 

Naghihimutok na damdamin 

Nais kong inyong damahin 

Pagod na katawan inyong alalahanin 

Basta lahat aking gagawin 

Pangarap kong maginhawang buhay 

'Yan ang aking tutuparin 

Verse 3 

Wala mang kasiguraduhan 

Mga plano natin ating pag-isahin 

Magdasal 'yan ang kailangan 

Buhayin ang pag-asa kung kinakailangan 

Sa lahat ng sakripisyo saksi ang Diyos 

Kapit ng maayos lahat tayo makakaraos 

Bridge: 

Iba-iba man ang mga dahilan 

Iisa lang ang nais nating makamtam 

Ang makatulong na rin sa bayan 

Mahirap man, magulo at maraming hinaing 

Iba pa rin kapag sa Pinas ka nagsaing 

Kaya sa muli nating pag-uwi 

Pinaghirapan sabay nating tatamasain 

Repeat Chorus