Walang Hanggan

Sa pagpikit ng iyong mata 

Hatid nitong sakit 'di ko alintana 

Kamay mong umalalay sa akin 

Puso ko na iyong inangkin 

Kailanman 'di ko na maibabalik 

Sa iyong pag-alis baonin mo aking halik 

Ikaw na aking naging sandigan 

Takbuhan ko at naging kaibigan 

Mga payo mong tumatak sa aking isipan 

Hanggang ngayon ay palaisipan 

Paano na kung ikaw ay wala na 

Kanino tatakbo kung ikaw ay nasa langit na 

Yakapin mo ako ng mahigpit 

Sing higpit ng iyong malupit na kapit 

Pagmamahal mo 'di ko kailanman ipagpapalit 

Buhay na iyong inalay sa amin

Mga hirap at sakripisyong iyong tinanim 

Papahalagahan ko at pananatiliing amin 

Hindi ko alam kung papaano 

Lagi na lang nakasunod sa iyong anino 

Ikaw lamang ang hinangaan at inidolo 

Ngayong tuliro at humihingi ng saklolo 

Buhay namin ngayon tiyak magbabago 

Bagamat't kabado patuloy akong tatayo 

Malaya ka na ngayon sa sakit 

Malayo na sa lahat ng pasakit 

Magpahinga ka na at muling ngumiti 

Kami muna ang magdadalamhati 

Yayakapin magagada mong alaala 

Na sa amin ay iyong ipinagkatiwala 

Walang hanggang paalam 

Itay iyan ang gusto ko iyong malaman 

Kahit saan ka man o anuman 

'Di ka mawawala sa aking isipan 

Puso ko'y muli mong hawakan 

Hanggang sa uli ikaw lang ang aking hahagkan