Insan

Madilim ang paligid

Pero masugid na nakaupo sa gilid

Kahit nakatagilid ay nakatingin

Tuloy parang mahuhulog sa bangin

'Di maiwasang mapatingin sa mga buhangin

Lahat ng problema gusto mong angkinin

Kelan ka kaya makakalanghap ng sariwang hangin?

Pssst 'di ka ba nagsasawa?

Paulit-ulit wala ka namang ginagawa

Paano giginhawa kung ngawa ka ng ngawa?

Pagkasawi mahirap talagang mapawi

Kung puro awa sa sarili ang namumutawi

Paano ka niyan matatapos at makauwi?

Kung araw-araw pareho ang iyong gawi

Buksan mo kaya iyong mga mata

'Di mo naman kailangan maging makata

Mukha ka tuloy nayuping lata

Lahat may solusyon huwag kang mataranta

Oo alam ko lagi kitang sinisita

Kahit kelan 'di titigil magprisinta

Kailan ka kaya uli makakakanta?

Pag-asa ay nasa isang tabi lang

Tutulungan kitang tumayo kaya please lang

Bumangon ka na diyan

Alam mong 'di kita pababayaan

Kaya sarili ay iyo ding turuan

Kahit pa nga ang isang sirang laruan

Kung pagtutulungan ay muling mapapakinbangan

Halika na wala na 'tong atrasan

Dibdib mo ay laging tigasan

Sarili ay muling bihisan

Pati kalooban mo ay linisan

Dahil tapos na ang kabanata mong minsan

Kamuntik nang sa'yo ay magpalisan

Kaya iyong bilisan, halika na insan