Kakampi

Sorry 'di kita napanindigan
Ako dapat ang iyong sandigan
Maituturing mong isang kaibigan
Kadugo at 'di mo kailangan ilagan

Naging mahina ako at pabaya
Sana 'di na lang ako nagpaubaya
Akala ko naman ikaw ay sasaya
Wala man akong silbi, 'di kita dinaya

Masakit 'yung wala kang magawa
Kahit alam mo nang nakakasasawa
Pakiramdam mo ikaw ay kawawa
Pero nandito ako kahit kulang sa gawa

Ngayon ikaw ay litong-lito
'Di malaman ang anim sa pito
Kahit alam mong marami ang pinto
Dito sa piling ko ikaw ay hihinto

Huwag kang mag-alala
'Di lang ikaw ang may sala
Ako pa rin ang nagsimula
Kaya buhay natin ay lumala

Kapit lang may bukas pa
Alam kong may isa pa
Kaya buhay mo'y ayusin
Huwag kang gagaya sa akin