Huli Na

Akala ko naman ayos ka
Kaya nga ito 'di ko maisplika
Ang linya sa'yong mga musika
Nakakapagtaka sana nagsabi ka

Tahimik ka lang walang reklamo
Sa maliit mong mundo ikaw ang amo
Kung dati ay nagsusumamo
Bakit ngayon parang tutang maamo?

'Di ko man lang nakita
Unti-unti ka na palang naiirita
Iniiwasan mong magbanta
Sa loob pala ikaw ay natataranta

Mahirap isipin alam ko
Mag-isa ka at madalas nabablanko
Para kang ikunulong sa sako
'Di makahinga nakakainis nasan ba ako?

Ako dapat ang iyong takbuhan
Sinubukan mo kaso ikaw ay naunahan
Hirap at sakit iyong naging basehan
Sumuko ka dahil wala ka na maasahan

Ang sakit, bakit ba nakakapagsisi?
Kung hinabaan ko lang sana ang aking pisi
Sana nandiyan ka pa at walang masisisi
Pero sabi nga nila nasa huli ang pagsisisi

Ngayon tahimik ka na
Problema ay 'di mo na alintana
Sa pagsilip mong muli sa bintana
Ngiti ang ipakita salamat at ayos ka na

*Inspired by the story of Nas' japanese friend who took his own life!