Huling Paalam

Magulo ang aking utak
Bakit sa inyo 'di 'yan tumatak?
Humihingi ako ng tulong
Wala man lang sa aki'y sumalubong
Kaya 'dinaan ko na lang sa bulong
Kaya eto ako, lalong nalulong
Aanhin mo pa ang damo
Kung patay na kabayo mo

Mahirap bang makinig?
Bakit ayaw niyong pakinggan aking panig?
Kahapon pa ko nayayanig
Daig ko pa ang binalot sa banig
Gusto ko lang naman inyong marinig
Kahit hirap na hirap iparating aking tinig
'Di mapakali at nanginginig
Sa takot at lungkot sana inyong narinig

Sabi niyo lilipas din 'yan
Ayusin mo sarili mo bukas wala na 'yan
Pero tinanong niyo ba ako kung bakit?
Bakit ang sakit-sakit, sarap pumikit
Itsura ko tuloy lalong pumapangit
Bakit ba kayo ganyan kalupit?
Sa aking sinapit ayaw ko na tuloy lumapit
Dapat ganito, dapat ganyan pero bakit?

Minsan 'di niyo na kailangan magsalita
Yakap lang maganda na 'yung balita
Hatid nito'y saya ng parang sa mga bata
Isang tapik nga lang tanggal na aking irita
Mahalaga alam kong kahit walang salita
Kahit ako'y madalas pang nakahilata
Pitpitin man paulit-ulit na parang lata
'Di man kayo makata salamat kahit 'di halata

Kailangan ko lang inyong pang-unawa
'Di yung kayo pa ang lumalabas na kawawa
Tampulan na lang lagi ng sisi
Oo na kaya nga eto ako ngayo'y nagsisi
Sa nalalabi kong pang oras
Bibitbitin ko pa rin aking angas
'Di ako ungas kayo lang ang 'di bukas
Paalam wala ng darating na bukas

Note: Another soul gone too soon. This one is for you Brian Velasco (Razorback) and to those who needs to be heard before it's too late. R.I.P brother!

Persons feeling they need assistance may call Hopeline hotlines 804-HOPE (4673); 0917-558-HOPE (4673); or 2919 (toll-free number for Globe and TM subscribers).