Paglaya

Mahirap umiyak mag-isa
Kaya sa halip na manghusga
Alamin mo itong nadarama
Ang pusong handa ko ng ibahagi

Masakit malamang siya talaga
Ang laman ng iyong puso't isipan
Taglay ko man ang pagmamahal
'Di naman pwede ipagsigawan

Hawak mo ang kamay niya
Kapit mo rin pati ang puso ko
'Di man tayo ang tinadhana
Bahala na, ako na ang mahina

Sa sakit ng nararamdaman
Habang ikaw ay masaya sa piling niya
Baonin mo ang pagsusumamo
Alam kong 'di na kita mapapaamo

Batid ko namang malabo na
Aasa pa rin ako na balang araw
Sa 'di inaasahang pagkakataon
Mga landas natin muling magtatagpo

Dalin mo ko oh hangin sa lugar
Kung saan pwede kitang mayakap
Tayong dalawa lang at wala ng iba
Malayo sa pagmamahal mo sa kanya

Tandaan mong mahal kita
Huli na to dahil 'di mo na makikita
Handa na kong magparaya
Masaya na kong makita kang masaya