Suicide

Sa isang maliit na kuwarto

Tantsa ko mag-aalas-kuwatro

Habang nakatingin sa salamin

Pilit iniisip ng malalim

Buhay kong 'di mawari

Mga pangyayaring mapagkunwari

May pag-asa pa bang marinig

Boses kong wala ng tinig

Tao po pahingi ng konting sandali

Pwede bang sumali 'di naman ako nagmamadali

Sa dating samahang walang kasing tamis

Nakakainis sobrang nakakamis

Pero bakit ngayon tila naglaho

Daig ko pa ang basurang mabaho

Oo nga pala 'di na kailangang magtaka

Ayoko na ring mag-isplika

Tulala at sinasariwa isa-isa

Mga alaala noong ako'y 'di pa mag-isa

Sa isip kong magulo minsan din akong sumaya

Kahit sandali lang bago ako lumaya

Sa lahat ng sakit na aking tinago

Alam kong sasabihin niyong gago

Mga tarantado, 'di ganyan aking estado

Dito sa aking entablado lahat kayo tablado

Ikaw naranasan mo na bang umiyak?

'Yun bang parang nawalan ka ng kabiyak

Gusto mong lumaban, laban lang laban

Pero lahat sila 'di naman tinatablan

Kanya-kanyang puna, sarili 'di mo na makilala

Sila na ang dakila, iwas na lang para 'di lumala

Sitwasyong sa bandang huli kahit pa tama

Alam mong mali pero 'di na kailanman maitatama

Sa pagsikat ng araw, balang araw

Kapag ang mundo handa ng makisayaw

Sa damdamin kong 'di makasabay-sabay

Ni isa walang umalalay, sige kampay 

Oras na lang naman aking hinihintay

Maya-maya lang ay magpapantay

Mga paa kong napagod na kakaantay

Sa pagmamahal niyong nakakamatay

 #AnthonyBourdain #KateSpade 

#Avicii #AllGoneTooSoon