Tambay

Sa aking paggising una kong gagawin

Lumabas ng bahay diyan sa may amin

'Di na nakuha pang manalamin

Maghahanap muna ng uulamin

Nakakahiya mang aminin

Ganito ang buhay naming nasa ilalim

Araw-araw sadyang malagim

Sa tatotoo lang nakakarimarim

Sa kanto maghapong nakatunganga

Nakanganga walang laman ang bunganga

Pero ang mas lalong nakakabahala

Kami raw ang mapipinsala

'Pag lumabas, kami na raw ang bahala

Siguradong tampulan ng hinala

Sa kalabaso kami raw ang may sala

'Di ko lang mawari

Mga ganitong pangyayari

Paki paliwanag bakit kami 

ang niyayari

'Di naman kami nagkukunwari

Hirap na sa buhay sa kulungan pa ang hantungan

Oo minsan kami ay batugan

'Di ba nga dapat kami ay tulungan

Tuloy ayoko ng lumabas

Mahirap nang mabalasubas

Mga parak paikot-ikot sa labas

Magpapatubo ng lang ng balbas

Dito sa loob ng bahay alam kong ligtas

Oo minsan kami ay matigas

Pero sa palabas mo Digong sana lahat kami makaligtas

Lahat ng tao ay may karapatan

Kaya mo ba 'yang tapatan

Huwag mo naman kaming tapakan

Alam naming 'di kami uubra ng sapakan

Ganito na lang pag-iisip mo ay lawakan

Ayusin mo ang bayan at huwag mo kaming hawakan

Dito sasaya lahat pati buong kalawakan

Inspired by Sir Joel Saracho and Sir Deo Almazan-Bugaoisan!