Sana

Sana iba na lang 

Sana 'di ko isinaalang-alang 

Sana maganda ang kinahinatnan 

'Di 'yung ganito walang patutunguhan 

Masakit pero kailangan tanggapin 

Lahat sinusubukan kong sagipin 

Pangarap na gusto ko uling paliparin 

Sawang-sawa na akong paalipin 

Bakit ba kase 'di ko naisip 

Umasa lang ako sa pagtatakip 

Daan ko sana ngayon ay 'di masikip 

Marami kong oras dinaan ko sa idlip 

Sana dati inaayos ko na 

Buhay na maganda at nakaplano 

Ilang beses sanang nakasakay ng eroplano 

'Di 'yung puro tanong na papaano  

Sa dami ng binalewala ko 

Mga pangako ko lahat napako 

'Di ko pinahalagahan at inasikaso 

Pangarap kong iningatan ko sa baso 

Nasa huli man ang pagsisi 

Pipilitin ko pa ring ngumisi 

Kahit pa mangalay aking pisngi 

'Di na ko magiging bingi 

Sana maulit muli 

Bago man lang buhay ko'y isauli 

Ngayon mas magiging mapili 

Buhay na malaya at 'di nakatali